பழமொழிகள் – அ வரிசை

  • அகல் வட்டம் பகல் மழை.
  • அகத்தின் அழகு முகத்தில் தெரியும்.
  • அகல இருந்தால் நிகள உறவு, கிட்டவந்தால் முட்டப் பகை.
  • அகல உழுகிறதை விட ஆழ உழு.
  • அக்காளைப் பழித்து தங்கை அவசாரி.
  • அசைந்து தின்கிறது யானை, அசையாமல் தின்கிறது வீடு.
  • அச்சமில்லாதவன் அம்பலம் ஏறுவான்.
  • அச்சாணி இல்லாத தேர் முச்சாணும் ஓடாது.
  • அஞ்சிலே வளையாதது ஐம்பதிலே வளையுமா?
  • அஞ்சும் மூன்றும் உண்டானால் அறியாப் பெண்ணும் சமைக்கும்.
  • அடி உதவுவதுபோல் அண்ணன் தம்பி உதவமாட்டான்.
  • அடித்தாலும் பட்டுக்கொள்ளலாம், சொல் கேட்க முடியாது.
  • அடக்கமே பெண்ணுக்கு அழகு.
  • அடக்கம் உடையார் அறிஞர், அடங்காதவர் கல்லார்.
  • அடாது செய்தவன் படாது படுவான்.
  • அடி நாக்கிலே நஞ்சும் நுனி நாக்கில் அமுதமும்.
  • அடித்து வளர்க்காத பிள்ளையும் முறுக்கி வளர்க்காத மீசையும் வாய்க்கு முன் ஏய்க்கும்.
  • அடுத்த வீட்டுக்காரனுக்கு அதிகாரம் வந்தால் அண்டை வீட்டுக்காரனுக்கு இரைச்சல் இலாபம்.
  • அடுத்த வீட்டில் அம்மி நகருதா, ஆட்டுக்கல் நகருதா என பார்க்காதே.
  • அண்ணாமலையாருக்கு அறுபத்துநாலு பூசை, ஆண்டிகளுக்கு எழுபத்துநாலு பூசை.
  • அணில் கொம்பிலும், ஆமை கிணற்றிலும்.
  • அணை கடந்த வெள்ளம் அழுதாலும் வாராது.
  • அத்திப் பழத்தைப் பிட்டுப்பார்த்தால் அத்தனையும் புழு.
  • அத்திப் பூத்தது போல.
  • அதிகாரி வீட்டுக் கோழிமுட்டை குடியானவன் வீட்டு அம்மியை உடைத்ததாம்.
  • அதிர்ந்து வராத புருஷனும், மிதந்து வராத அரிசியும் பிரயோசனமில்லாதவை.
  • அந்தி மழை அழுதாலும் விடாது.
  • அப்பன் அருமை மாண்டால் தெரியும்.
  • அப்பாசுவாமிக்குக் கல்யாணம், அவரவர் வீட்டில் சாப்பாடு.
  • அப்பியாசம் கூசா வித்தை.
  • அயலூரானுக்கு ஆற்றோரம் பயம், உள்ளூரானுக்கு மரத்தடியில் பயம்.
  • அணை கடந்த வெள்ளம் அழுதாலும் வாராது.
  • அன்னம் இட்டவர் வீட்டில் கன்னம் இடலாமா?
  • அன்னப்பிடி வெல்லப்பிடி ஆச்சுது.
  • அன்னைக்கு உதவாதவன் யாருக்கும் உதவான்.
  • அன்று எழுதியவன் அழித்து எழுதுவானா?
  • அன்பு இருந்தால் அனைத்தும் ஆகும்.
  • அப்பியாச வித்தைக்கு அழிவில்லை.
  • அழுத பிள்ளை பால் குடிக்கும்.
  • அரைக் காசை ஆயிரம் பொன்னாக்குவாள். ஆயிரம் பொன்னை அரைக்காசாக்குவாள். அவள்தான் பொன்ஞ்சாதி.
  • அருமையற்ற வீட்டில் எருமையும் குடியிருக்காது.
  • அருகம் கட்டையும் ஆபத்துக்கு உதவும்.
  • அரசனை நம்பி புருசனை கைவிடாதே.
  • அரசன் இல்லாத நாடு அச்சில்லாத தேர்.
  • அரப்படிச்சவன் அங்காடி போனா விற்கவும் மாட்டான், வாங்கவும் மாட்டான்.
  • அரிசி ஆழாக்கானாலும் அடுப்புக் கட்டி மூன்று வேண்டும்.
  • அரைக் காசுக்கு அழிந்த கற்பு ஆயிரம் காசு கொடுத்தாலும் கிடைக்குமா?
  • அரை கிணறு தாண்டாதே.
  • அறப்படிச்ச மூஞ்சூறு கழுநீர் பானைக்குள்ள விழுந்தது.
  • அறக்கப் பறக்கப் பாடுபட்டாலும் படுப்பதற்கு பாயில்லை.
  • அறச் செட்டு முழு நட்டம்.
  • அற்பத் துடைப்பமானாலும் உள்தூசியை அடக்கும்.
  • அற்ப ஆசை கோடி தவத்தைக் கெடுக்கும்.
  • அறுப்பு காலத்தில் எலிக்கு ஐந்து பொண்டாட்டி.
  • அறுக்க முடியாதவன் இடுப்பைச் சுற்றி ஆயிரம் கருக்கரிவாள்.
  • அறிந்து அறிந்து செய்கிற பாவத்தை அழுது அழுது தொலைக்க வேண்டும்.
  • அறிவில்லார் தமக்கு ஆண்மையுமில்லை.
  • அறிய அறிய கெடுவார் உண்டா?
  • அறிவீனருக்கு ஆயிரம் உரைக்கினும் அவம்.
  • அறமுறுக்கினால் அற்றும் போகும்.
  • அறிவில்லார் சிநேகம் அதிக உத்தமம்.
  • அள்ளுவது எல்லாம் நாய் தனக்கு என்றே எண்ணுமாம்.
  • அக்காள் ஆனாலும் சக்களத்தி சக்களத்தி தான்.
  • அகலக் கால் வைக்காதே.
  • அகல உழுகிறதைவிட ஆழ உழு.
  • அகழியில் விழுந்த முதலைக்கு அதுவே வைகுந்தம்.
  • அகாரியத்தில் பகீரதப் பிரயத்தனமா?
  • அமாவாசை சோறு என்றைக்கும் அகப்படுமா?
  • அஷ்டமத்துச் சனி அழுதாலும் விடாது.
  • அவசரம் என்றால் அண்டாவிலும் கைநுழையாது.
  • அவிசாரி ஆனாலும் முகராசி வேணும், அங்காடி போனாலும் கைராசி வேணும்.
  • அவசரமாக கல்யாணம் அன்றாடம் புலம்பல்.
  • அவசரக்காதல் சீக்கிரம் சூடாகி சீக்கிரம் குளிர்ந்து விடும்.
  • அழகுக்காக கல்யாணம் இரவில் இன்பம் பகலில் துன்பம்.
  • அள்ளிக் கொடுத்தால் சும்மா. அளந்து கொடுத்தால் கடன்.
  • அளக்கிற நாழி அகவிலை அறியுமா?
  • அழுகிற ஆணையும் சிரிக்கிற பெண்ணையும் நம்பாதே.
  • அழிந்த கொல்லையில் குதிரை மேய்ந்தாலென்ன, கழுதை மேய்ந்தாலென்ன?
  • அயலூரானுக்கு ஆற்றோரம் பயம். உள்ளாரானுக்கு மரத்தடியில் பயம்.
Clip to Evernote